தமிழ் சினிமாவின் முன்னணி நடிகரான விஷால் நிச்சயதார்த்த புகைப்படங்கள் இணையத்தில் வைரலாகி வருகிறது.
தமிழ் சினிமாவில் செல்லமே படத்தின் மூலம் அறிமுகமான விஷால், தற்போது மகுடம் படத்தில் நடித்து வருகிறார். விஷாலுக்கு எப்போது திருமணம் என கேள்வி எழுந்த போது நடிகர் சங்க கட்டிடம் திறக்கப்பட்ட பின்னர் தான் தனக்கு திருமணம் என விஷால் உறுதியாக இருந்தார்.
இந்த சூழலில் சென்னையில் நடந்த திரைப்பட விழாவில் விஷாலும், சாய் தன்ஷிகாவும் பங்கேற்றனர். அப்போது விஷால் உடனான காதலை அனைவர் முன்னிலையில் அறிவித்த சாய் தன்ஷிகா, ஆகஸ்ட் 29 ஆம் தேதி திருமணம் செய்து கொள்வதாக கூறினார்.
இதனை தொடர்ந்து நடிகர் சங்க கட்டிடம் பணியும் துரிதமாக நடைபெற்றது. ஆனால், தற்போது நடிகர் சங்க கட்டிடத்தின் பணிகள் நிறைவு பெறாத சூழலில், விஷால் திருமணம் சொன்னப்படி நடக்குமா என்ற கேள்வி எழுந்தது. இந்த சூழலில் விஷால் – சாய் தன்ஷிகாவின் திருமண நிச்சயதார்த்தம் அவரின் குடும்பத்தார் முன்னிலையில் எளிமையாக நடைபெற்றது. இந்த நிச்சயதார்த்தத்தில் இரு வீட்டாரும், நெருங்கிய நண்பர்களும், கலந்து கொண்டுள்ளனர். இந்த நிலையில் விஷால் – சாய் தன்ஷினாவின் நிச்சயதார்த்த புகைப்படங்கள் இணையத்தில் வைரலாகி வருகிறது.
விரைவில் திருமண வாழ்க்கையில் அடியெடுத்து வைக்க இருக்கும் விஷால் – சாய் தன்ஷிகா ஜோடிக்கு ரசிகர்களும், திரையுலகினரும் வாழ்த்து தெரிவித்து வருகின்றனர்.
