அஜித்துடன் இணையும் மகிழ்ச்சியில் பார்த்திபன் – ‘டேர் டெவில்’ படத்தின் பூஜை இன்று!
Sakthibhavaniselvaraj
· 1 min read
நடிகர் அஜித்குமார் நடிக்கும் ‘டேர் டெவில்’ திரைப்படத்தின் பணிகள் இன்று பூஜையுடன் தொடங்க உள்ளன. இயக்குநர் ஆதிக் ரவிச்சந்திரன் இயக்கும் இப்படத்தில் அஜித்துடன் நடிகர் பார்த்திபனும் முக்கியக் கதாபாத்திரத்தில் நடிக்கிறார்.
இந்நிலையில், நடிகர் பார்த்திபன் தனது எக்ஸ் தளப் பக்கத்தில் இப்படம் குறித்த மகிழ்ச்சியைப் பகிர்ந்துள்ளார். அதில், “இன்று டேர் டெவில் தினம். சிறந்த நடிகரான ஏ.கே.வுடன் திரையைப் பகிர்ந்து கொள்வதும், இயக்குநர் ஆதிக் ரவிச்சந்திரனுடன் பணியாற்றுவதும் மிகுந்த மகிழ்ச்சி அளிக்கிறது” என்று குறிப்பிட்டுள்ளார்.
அஜித் மற்றும் ஆதிக் ரவிச்சந்திரன் கூட்டணி ஏற்கனவே ‘குட் பேட் அக்லி’ திரைப்படத்தில் இணைந்து பணியாற்றிய நிலையில், மீண்டும் ‘டேர் டெவில்’ படத்தின் மூலம் இணைந்துள்ளனர். இப்படத்தில் நடிகர்கள் பார்த்திபன், பிரபு, சுனில் மற்றும் நடிகை ஸ்ரீலீலா உள்ளிட்டோர் நடிக்க உள்ளதாகத் தகவல்கள் வெளியாகியுள்ளன.
ஷாலினி அஜித்குமார் தயாரிக்கும் இப்படத்திற்கு அனிருத் இசையமைக்கிறார். அஜித் ரசிகர்கள் மத்தியில் இப்படத்தின் மீதான எதிர்பார்ப்பு அதிகரித்துள்ள நிலையில், படத்தின் அடுத்தடுத்த அறிவிப்புகளுக்காக ரசிகர்கள் காத்திருக்கின்றனர்
