3 குற்றச்சாட்டுகளும் நிரூபணம்.. ராஜினாமாவால் நடவடிக்கையை நிறுத்த முடியுமா? நீதிபதி வர்மா கடிதம்!
Sakthibhavaniselvaraj
· 1 min read

நீதிபதி யஷ்வந்த் வர்மாவுக்கு எதிரான பதவி நீக்க நடவடிக்கையில், அவர் மீதான 3 குற்றச்சாட்டுகளும் நிரூபிக்கப்பட்டதாக விசாரணைக் குழு அறிக்கை தாக்கல் செய்துள்ளது. இந்நிலையில், தனது ராஜினாமாவுக்குப் பிறகு பதவி நீக்க நடவடிக்கையைத் தொடர முடியாது என அவர் நாடாளுமன்றத்துக்கு கடிதம் எழுதியுள்ளார்.
டெல்லியில் உள்ள நீதிபதி வர்மாவின் அதிகாரப்பூர்வ இல்லத்தில் கடந்த 2025 மார்ச் மாதம் தீ விபத்து ஏற்பட்டபோது, எரிந்த மற்றும் பாதி எரிந்த ரூ.500 நோட்டுகள் கண்டெடுக்கப்பட்டதாக தகவல் வெளியானது. இதையடுத்து அவருக்கு எதிராக விசாரணை நடத்தப்பட்டது.
மக்களவை சபாநாயகர் ஓம் பிர்லா அமைத்த 3 பேர் கொண்ட விசாரணைக் குழு, பணத்தின் இருப்பு மற்றும் அதன் உரிமை குறித்து உரிய விளக்கம் அளிக்காதது, ஆதாரங்களைப் பாதுகாக்கத் தவறியது, விசாரணையின்போது அளித்த விளக்கங்கள் திருப்திகரமாக இல்லாதது என 3 குற்றச்சாட்டுகளையும் நிரூபிக்கப்பட்டதாகக் கூறியது. இந்த அறிக்கை ஆகஸ்ட் 12-ம் தேதி நாடாளுமன்றத்தில் தாக்கல் செய்யப்பட்டது.
இதற்கிடையே, கடந்த ஏப்ரல் 9-ம் தேதி தான் ராஜினாமா செய்துவிட்டதால், பதவி நீக்க நடவடிக்கை இனி தொடர முடியாது என வர்மா தெரிவித்துள்ளார். மேலும், தனது ராஜினாமா குற்றச்சாட்டுகளை ஒப்புக்கொண்டதாக கருதக்கூடாது என்றும், தான் நிரபராதி என்றும் அவர் வலியுறுத்தியுள்ளார்.
இதனால், நீதிபதி வர்மா விவகாரம் தற்போது அரசியல் மற்றும் அரசியலமைப்பு ரீதியாக புதிய விவாதத்தை ஏற்படுத்தியுள்ளது.




