உலகத் தலைவர்களுக்கு இந்திய பாரம்பரிய பரிசுகள்! மோடி வழங்கிய கலைப்பொருட்கள் என்னென்ன?
Sakthibhavaniselvaraj
· 1 min read

மணிலாவில் நடைபெற்ற இந்தியா–ஆசியான் உச்சி மாநாட்டில் பங்கேற்ற உலகத் தலைவர்களுக்கு பிரதமர் நரேந்திர மோடி, இந்தியாவின் பாரம்பரிய கலைப்பொருட்கள் மற்றும் கைவினைப் பொருட்களைப் பரிசாக வழங்கியுள்ளார். இந்தியாவின் பல்வேறு மாநிலங்களின் கலை, கலாச்சாரம் மற்றும் கைவினைத் திறன்களை உலக அரங்கில் எடுத்துக்காட்டும் வகையில் இந்தப் பரிசுகள் அமைந்துள்ளன.
அமெரிக்க அதிபர் டொனால்ட் ட்ரம்புக்கு ராஜஸ்தானின் நாத்வாராவைச் சேர்ந்த தங்க வேலைப்பாடுகள் கொண்ட பிச்சுவாய் ஓவியம் வழங்கப்பட்டது. ஜப்பான் பிரதமர் சனே தகாய்ச்சிக்கு பனாரஸ் நகரின் ராயல் ப்ளூ நிற கத்தான் பட்டு சால்வை வழங்கப்பட்டது.
பிலிப்பைன்ஸ் அதிபர் பெர்டினாண்ட் மார்கோஸுக்கு காஷ்மீரின் கையால் நெய்யப்பட்ட பட்டுக் கம்பளம் வழங்கப்பட்டது. அவரது மனைவிக்கு பஷ்மினா சால்வை மற்றும் காஷ்மீர் காகிதக் கூழ் கைவினைப் பெட்டி வழங்கப்பட்டது.
ஆஸ்திரேலிய பிரதமர் அந்தோணி அல்பனீஸுக்கு ஜெய்ப்பூர் ப்ளூ பாடரி கலைப்பொருளும், புருனே சுல்தான் ஹசனல் போல்கியாவுக்கு கர்நாடகாவின் பித்ரிவேர் வெள்ளி வேலைப்பாடுகள் கொண்ட குவளையும் வழங்கப்பட்டன.
இந்தோனேசிய அதிபர் பிரபோவோ சுபியாந்தோவுக்கு சோழர் கால வெண்கலச் சிற்பம், தாய்லாந்து பிரதமருக்கு குஜராத்தின் ரோகன் கலை ஓவியம், வியட்நாம் பிரதமருக்கு பாரம்பரிய தோல் சுவர் அலங்காரப் பொருள் ஆகியவை வழங்கப்பட்டன.
மேலும், குஜராத்தின் அகேட் கல் கிண்ணம், ராஜஸ்தானின் ரோஸ் குவார்ட்ஸ் யானை, கோண்ட் ஓவியம் உள்ளிட்ட பல்வேறு பாரம்பரிய கலைப்பொருட்களும் தலைவர்களுக்கு வழங்கப்பட்டுள்ளன.
இந்தப் பரிசுகள் வெறும் நினைவுப் பொருட்களாக மட்டுமின்றி, இந்தியாவின் பாரம்பரிய கைவினைக் கலைஞர்களையும் அவர்களின் பல தலைமுறை கலைத்திறனையும் உலகிற்கு அறிமுகப்படுத்தும் முயற்சியாக பார்க்கப்படுகின்றன.




