தங்கம் வென்ற தமிழக வீரர் நவீன் சிவகுமாருக்கு ரூ.75 லட்சம் ஊக்கத்தொகை!

ஜப்பானில் நடைபெற்று வரும் 5-வது பாரா ஆசிய விளையாட்டுப் போட்டிகளில் பேட்மிண்டன் போட்டியில் தங்கப் பதக்கம் வென்று தமிழகத்திற்கு பெருமை சேர்த்துள்ள வீரர் நவீன் சிவகுமாருக்கு, தமிழ்நாடு அரசு சார்பில் ரூ.75 லட்சம் ஊக்கத்தொகை வழங்கப்படும் என முதலமைச்சர் விஜய் அறிவித்துள்ளார்.

இந்தப் போட்டியில் ஆண்கள் ஒற்றையர் பிரிவில் நவீன் சிவகுமார் தங்கப் பதக்கம் வென்று சாதனை படைத்துள்ளார். இதேபோல், பேட்மிண்டன் பெண்கள் ஒற்றையர் பிரிவில் வெள்ளிப் பதக்கம் வென்ற துளசிமதி முருகேசன் மற்றும் நித்ய ஸ்ரீ ஆகியோருக்கு தலா ரூ.50 லட்சமும், டேபிள் டென்னிஸ் ஆண்கள் இரட்டையர் பிரிவில் வெண்கலப் பதக்கம் வென்ற ஜெஹான் டொரப் மதனுக்கு ரூ.30 லட்சமும் ஊக்கத்தொகையாக வழங்கப்படும் என அறிவிக்கப்பட்டுள்ளது.

வீரர், வீராங்கனைகளின் சாதனைகளுக்குப் பாராட்டு தெரிவித்துள்ள முதலமைச்சர், அவர்களின் தன்னம்பிக்கை, விடாமுயற்சி மற்றும் கடின உழைப்பு மற்ற பாரா விளையாட்டு வீரர்களுக்கும் ஊக்கமளிப்பதாகக் குறிப்பிட்டுள்ளார்.

சர்வதேச விளையாட்டு அரங்கில் தமிழக வீரர்கள் தொடர்ந்து சாதனைகள் படைத்து வருவது விளையாட்டு ஆர்வலர்களிடையே மகிழ்ச்சியை ஏற்படுத்தியுள்ளது.